BAŞIN Namərd ilə yoldaş olma, Uzun ağrı çəkər başın. Halal ilə ərsəyə çat, Daş qalalar sökər başın. Xain baxma yaradana, Qibləgahdı ata, ana, Arxalanma, bəyə, xana, Qoy sağ olsun nökər başın. Haqdan istə bəxti-iqbal, Yaradanı yadına sal, Söz gövhərdi, Miskin Abdal, Saxla, dürdü, tökər başın. DAĞLAR Məğribdən məşriqə çəkib durub, Qüdrətdən çatıbdı baş-başa dağlar. İtaət boynuna salıb həmayıl, Misli-pəsənd, xotkar, xan, paşa dağlar. Ağ çeşmən sərindən car elər seli, Yaşıl tirmə qurşaq ədağa bəli, Dağıstan kölgəsi, zabitə yeli, Sərin səfalıdı həmişə dağlar. Nəs illərdən satın aldın pis günü, Çağırdın dumanı, tökdün çiskini, Gözü yaşlı qoydun cüda Miskini, Eylə gülə-gülə tamaşa dağlar

Göyçə aşıq mühiti
folklor
İyun 8, 2008 13:37
Baxış sayı: 61

Şərhlər(0)